Bayernwahl, SPD

Schuld an dem Drama seids ihr Soz'n selba,
warum nehmt's den Ude dran,
ihr wisst's doch dass in Bayern,
Münchner keiner leiden kann!

Karriere um jeden Preis?

Bist Du jung und karrieregeil,
kimmst Du de Firmen grod recht,
wannst Du freiwillig für a paar Euro,
mit Deiner ganzen Gesundheit blechst.

Fazit zum #tvduell Merkel vs. Steinbrück

Do wird ganz ganz fui g'sogt,
wos goa koana frogt,
so is de traditionell,
beim Fernsehduell.

Fernsehduell Merkel vs. Steinbrück

De Merkel und da Steinbrück im Fernsehduell,
des kimma uns sparen, des laare G'red,
wei eh a jeda bloß obarattert,
wos in seim Drehbiachl steht.

Fasse Dich kurz...

Im Bundestag lauter Gstanzl, mei des wär vielleicht fein, do miassat a jeder mit seiner Rede, scho noch vier Zeilen wieder fertig sein.

Großbaustellen

Wenn d'Politiker baun wer'n d'Milliarden verpuivert, ja do lauft doch ebbs verkehrt, in Berlin kemmas ned in d'Luft, und in Stuttgart ned unter d'Erd.

Über'n Wahlkampf

Die SPD mit ihra'm Steinbrück, de da'barmt oam scho g'scheid, wei vo dem Dreck den wo's auf d'Merkel schmeißn, überhaupt's nix bigga bleibt.